जम्भे गुरु उपकारी ऐ तो विष्नु रा अवतारी जी ।
मां हंसा रा कंवर लाडला छत्रिय वंस पंवारी जी ।।
समराथल रा धोरा ऊपर आसन आप लगायो जी ।
29 धर्म मुक्ति रा थार्पिया अमृत प्यालो पिलायो जी ।।
जम्भे गुरु उपकारी ऐ तो विष्नु रा अवतारी जी ।
मां हंसा रा कंवर लाडला छत्रिय वंस पंवारी जी ।।
उमा बाई ने भात भरायो नवरंग चीर ओढायो जी ।
खेजड़ीयां रो बाग लगायो गुरु रोटू नगरी माई जी ।।
जम्भे गुरु उपकारी ऐ तो विष्नु रा अवतारी जी ।
मां हंसा रा कंवर लाडला छत्रिय वंस पंवारी जी ।।
जांभोलाव थारो जम्भ सरोवर थे खुद आप खुदायो ।
दर्शन आवे नर और नारी मेलो जोर भरायो जी ।।
जम्भे गुरु उपकारी ऐ तो विष्नु रा अवतारी जी ।
मां हंसा रा कंवर लाडला छत्रिय वंस पंवारी जी ।।
मुक्ति वालो मार्ग गुरुजी शब्दा में समझायो जी ।
भक्तों वाली अर्ज विनती चरणां सीस निवायो जी ।।
जम्भे गुरु उपकारी ऐ तो विष्नु रा अवतारी जी ।
मां हंसा रा कंवर लाडला छत्रिय वंस पंवारी जी ।।
प्रेषक:-महेंद्र नाथ
